Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ հաստատված «Պետական կամ համայնքային հողամասերում գտնվող ինքնակամ կառույցների նկատմաբ պետության կամ համայնքների սեփականության իրավունքի պետական գրանցման կարգի» 2-րդ և 3-րդ կետերի,  Հայաստանի Հանրապետության քաղաքացիական օրենսգրքի 188-րդ հոդվածի 2-րդ մասի, «Ինքնակամ կառույցների օրինականացման և տնօրինման կարգը հաստատելու մասին» Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ հաստատված կարգի 4-րդ բաժնի 33-րդ կետի դրույթներով և հաշվի առնելով, որ հողամասը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում 

որոշում եմ`

1․Հայաստանի Հանրապետության Շիրակի մարզի Մարմաշեն համայնքի  (բնակավայր Ջաջուռ) 08-094-0137-0011 կադաստրային ծածկագրով գյուղատնտեսական նպատակային նշանակության, այլ հողատեսքի գործառնական նշանակության 0.017476 հեկտար հողամասի վրա 1989 թվականին ինքնակամ կառուցված 98․40 քառակուսի մետր արտաքին մակերեսով կիսակառույց շինությունը  ճանաչել օրինական և համարել Մարմաշեն համայնքի սեփականությունը։

2․Որոշումից բխող իրավունքները Հայաստանի Հանրապետության օրենսդրությամբ սահմանված կարգով ենթակա են պետական գրանցման։

3․Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի հրամանով հաստատված ձևի համապատասխան կազմված հողամասի, շինության հատակագծերը և շինությունների բնութագիրը կցվում է որոշմանը։