Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 37-րդ կետի դրույթներով և հաշվի առնելով Հայաստանի Հանրապետության Շիրակի մարզպետի 2020 թվականի մայիսի 27-ի N01//05854-2020 գրությամբ ներկայացված առաջարկությունները՝ Հայաստանի Հանրապետության Շիրակի մարզի Մարմաշեն համայնքում 2020 թվականի հունիսի 10-ից 18-ն իրականացված իրավական հսկողության ընթացքում հայտնաբերված խախտումները վերացնելու ուղղությամբ Հայաստանի Հանրապետության Շիրակի մարզի Մարմաշեն համայնքի ավագանին որոշում է՝ 1.Ամբողջությամբ ընդունել Հայաստանի Հանրապետության Շիրակի մարզպետարանի աշխատանքային խմբի կողմից Հայաստանի Հանրապետության Շիրակի մարզի Մարմաշեն համայնքում իրականացված իրավական հսկողության արդյունքների վերաբերյալ կազմված 2020 թվականի հունիսի 30-ի թիվ ԻՀ 4 արձանագրությունում նշված խախտումները:
2.Հաստատել Հայաստանի Հանրապետության Շիրակի մարզի Մարմաշեն համայնքում իրականացված իրավական հսկողության արդյունքների վերաբերյալ կազմված 2020 թվականի հունիսի 30-ի թիվ ԻՀ 4 արձանագրությունում նշված խախտումները վերացնելու վերաբերյալ միջոցառումների ժամանակացույցը` համաձայն հավելվածի:
3.Առաջարկել Հայաստանի Հանրապետության Շիրակի մարզի Մարմաշեն համայնքի ղեկավար Կարեն Արշակյանին՝ սույն որոշմամբ հաստատված միջոցառումների ժամանակացույցին համապատասխան միջոցներ ձեռնարկել համայնքում իրականացված իրավական հսկողության արդյունքում արձանագրվածխախտումներն ամբողջությամբ և սահմանված ժամկետներում վերացնելու, հետագայում այդպիսիք բացառելու ուղղությամբ:
4.Որոշման կատարման հսկողությունը դնել Մարմաշեն համայնքի ղեկավար Կարեն Արշակյանի վրա: |