Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, «Հրապարակային սակարկությունների մասին» Հայաստանի Հանրապետության օրենքի 2-րդ, 5-րդ և 8-րդ հոդվածների դրույթներով, Հայաստանի Հանրապետության Շիրակի մարզի Մարմաշեն համայնքի ավագանին ո ր ո շ ո ւ մ է՝ 1.Համայնքի ղեկավարի առաջարկությամբ՝ Հայաստանի Հանրապետության Շիրակի մարզի Մարմաշեն համայնքի սեփականություն հանդիսացող գյուղատնտեսական տեխնիկան օտարել աճուրդով՝ համաձայն թիվ 1 հավելվածի:
2.Հիմք ընդունելով որոշման 1-ին կետում նշված թիվ 1 հավելվածի գույքի շուկայական արժեքի որոշման վերաբերյալ «Ա.Գ.ԷՍԹԵՅԹ» սահմանափակ պատասխանատվությամբ ընկերության (վկայական' N ԱԳԳ 227, տրված' «21» փետրվարի 2018 թվական, վկայականի գործողության ժամկետը' անժամկետ) 2020 թվականի դեկտեմբերի 18-ի թիվ 12182036, թիվ 12082037, թիվ 12182038 հաշվետվությունները' գյուղատնտեսական տեխնիկայի (հետագայում՝ գույք) շուկայական արժեքի գնահատման վերաբերյալ՝ գույքի աճուրդով օտարման մեկնարկային գինը հաստատելու:
3․Հաստատել աճուրդի կանոնակարգը, աճուրդի մասին հրապարակային ծանուցման հայտարարության տեքստը, գյուղատնտեսական տեխնիկայի աճուրդով օտարելու, օտարման մեկնարկային գներն ու պայմանները համաձայն թիվ 1 և թիվ 2 հավելվածների:
4․Աճուրդը կազմակերպելու նպատակով՝
ա)ստեղծել աճուրդային հանձնաժողով հետևյալ անհատական կազմով՝ հանձնաժողովի նախագահ՝ Կարեն Արշակյան-համայնքի ղեկավար, հանձնաժողովի անդամներ՝
Հովսեփ Գրիգորյան -համայնքի ղեկավարի տեղակալ,
Մամեդ Սալոյան-համայնքապետարանի աշխատակազմի աշխատակից
Արտյոմ Զաքարյան-համայնքի ավագանու անդամ
Համլետ Գևորգյան-համայնքի ավագանու անդամ
բ) աճուրդավար նշանակել հանձնաժողովի անդամ, համայնքի ղեկավարի
տեղակալ՝ Հովսեփ Գրիգորյան, արձանագրող՝ հանձնաժողովի անդամ, համայնքապետարանի աշխատակազմի աշխատակից՝ Մամեդ Սալոյանին:
5․«Հրապարակային սակարկությունների մասին» Հայաստանի Հանրապետության օրենքի 2-րդ հոդվածի 5-րդ մասի համաձայն հանձնաժողովին վերապահել հրապարակային սակարկություն կազմակերպելու լիազորություն (աճուրդի կազմակերպիչ): |