Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով և հիմք ընդունելով «ՀՈՐԻԶՈՆ-95» սահմանափակ պատասխանատվությամբ ընկերության գլխավոր տնօրենի 2019 թվականի նոյեմբերի 28-ի թիվ Հ01/247 գրությունը Հայաստանի Հանրապետության Շիրակի մարզի Մարմաշեն համայնքի ավագանին
որոշում է
1.Տալ համաձայնություն Հայաստանի Հանրապետության Շիրակի մարզի Մարմաշեն համայնքի /Մայիսյան բնակավայր/ սեփականությունը հանդիսացող 17 հեկտար արտադրական նշանակության հողատարածքը «ՀՈՐԻԶՈՆ-95» սահմանափակ պատասխանատվությամբ ընկերությանը օտարելու:
2.Մարմաշեն համայնքի ղեկավար Կարեն Արշակյանին`
1)Հողաշինարարական աշխատանքներ կատարելու լիցենզիա ունեցող անհատ ձեռնարկատերերի կամ իրավաբանական անձանց միջոցով կազմել հողամասի հատակագիծն ու նկարագրությունը:
2)Սահմանված կարգով դիմել Հայաստանի Հանրապետության անշարժ գույքի կադաստրի Շիրակի մարզի ստորաբաժնում` անշարժ գույքի նկատմամբ համայնքի իրավունքները պետական գրանցման ենթարկելու համար: