Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության Հողային օրենսգրքի 75-րդ հոդվածի 1-ին մասի 1-ին կետով, «Նորմատիվ իրավական ակտերի մասին» ՀայաստանիՀանրապետության օրենքի 37-րդ հոդվածի 1-ին մասի դրույթներով, Հայաստանի Հանրապետության Շիրակի մարզի ավագանին՝
որոշում է 1․Հայաստանի Հանրապետության Շիրակի մարզի Մարմաշեն համայնքի սեփականություն հանդիսացող, Մայիսյան գյուղի 6-րդ փողոցի 2/1 հասցեում գտնվող 925.22 քառակուսի մետր մակերեսով 08-077-024-020-001 կադաստրային ծածկագրով գործառնական նշանակության, հասարակական նպատակային նշանակության մանկապարտեզի շենքը, սպասարկման և պահպանման համար 0.42 հեկտար հողամասը 08-077-024-020-001 կադաստրային ծածկագրով, շինություններ՝ կաթսայատուն 56,61 քառակուսի մետր, շվաքարան 24,90 քառակուսի մետր, շվաքարան 23,10 քառակուսի մետր, շվաքարան 23․60 քառակուսի մետր մակերեսներով /անշարժ գույքի սեփականության իրավունքի գրանցման վկայական N2728738/ անհատույց օգտագործման իրավունքով, անորոշ ժամկետով տրամադրել Մարմաշեն համայնքի «Մայիսյանի մանկապարտեզ» համայնքային ոչ առևտրային կազմակերպությանը:
2․Ուժը կորցրած ճանաչել Հայաստանի Հանրապետության Շիրակի մարզի Մարմաշեն համայնքի ավագանու 2018 թվականի նոյեմբերի 19-ի «Հայաստանի Հանրապետության Շիրակի մարզի Մարմաշեն համայնքի սեփականություն հանդիսացող գույքը անհատույց օգտագործման իրավունքով տրամադրելու մասին» թիվ 60 որոշումը։ |