Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 25-րդ կետով Հայաստանի Հանրապետության Շիրակի մարզի Մարմաշեն համայնքի ավագանին
որոշում է՝ 1.Լիազորել Մարմաշեն համայնքի ղեկավար Կարեն Արշակյանին` Մարմաշեն համայնքի անունից մասնակցելու Հայաստանի Հանրապետության պետական բյուջեից նպատակային հատկացումներ` սուբվենցիաներ ստանալու նպատակով 2018 թվականի բյուջետային ֆինանսավորման ծրագրին և ներկայացնելու «Կոմունալ ծառայության և աղբահանության ավտոտրանսպորտային միջոցների ձեռքբերում» ծրագրի հայտը` համաձայն հավելվածի:
2.Սահմանել` ծրագրի արժեքը կազմում է 91550000 /իննսունմեկ միլիոն հինգ հարյուր հիսուն հազար/ Հայաստանի Հանրապետության դրամ, որից 36620000 /երեսունվեց միլիոն վեց հարյուր քսան հազար/ Հայաստանի Հանրապետության դրամը համաֆինանսավորման տեսքով ներդնում է համայնքը` 2018 թվականի Մարմաշեն համայնքի բյուջեի 01/6/1 գործառնական դասակարգման (5129) «Այլ մեքենաներ և սարքավորումներ» տնտեսագիտական դասակարգման հոդվածից:
3.Մարմաշեն համայնքի ղեկավարին վերապահել ծրագրի իրականացման հետ առնչվող այլ փաստաթղթերի ստորագրումը և դրանցից բխող գործառույթների կազմակերպումն ու իրականացումը: |