ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ

ՀՀ Շիրակի մարզի Մարմաշեն համայնքի Ջաջուռ և Քեթի բնակավայրերի նորակառույց մանկապարտեզները համալրվել են խոհանոցային, ննջասենյակի և խաղասենյակների գույքով։ Գույքը տրամադրվել է «FCN» բարեգործական կազմակերպության և «Փարոս»  հիմնադրամի կողմից։ ՀՀ Շիրակի մարզի Մարմաշենի համայնքապետարանը խորին շնորհակալություն է հայտնում ազգանվեր գործի համար։

ՀՀ Շիրակի մարզի Մարմաշեն համայնքի բնակավայրերում կատարվում են գիշերային լուսավորության բարելավման և արդիականացման աշխատանքներ։

Տեղադրվում են Մարմաշենի համայնքապետարանի կողմից ձեռք բերված արևային մարտկոցներով Լեդ տեսակի լուսատուներ։

Հրդեհների և արտակարգ դեպքերի ժամանակ պայքարի արդյունավետ պայմանների ստեղծման, արագ արձագանքման և հետևանքների վերացման նպատակով ՀՀ Շիրակի մարզի Մարմաշենի համայնքապետարանը բնակավայրերում տեղադրելու համար ձեռք է բերել կրակմարիչներ և հրշեջ վահանակներ։

61 տարեկան հասակում կյանքից հեռացավ ՀՀ Շիրակի մարզի Մարմաշեն համայնքի ավագանու անդամ՝ Արտյոմ Արտյոմի Զաքարյանը։ 

Խոսքերն անզոր են արտահայտելու այն մեծ ողբերգությունը, որը Արտյոմ Զաքարյանի անդառնալի և չափազանց ցավալի կորուստ կրած ընտանիքինն է և  բոլոր նրանց ճանաչողներինը։

Այս դժվարին պահին ուժ և տոկունություն ենք ցանկանում ընտանիքի անդամներին, հարազատներին և գործընկերներին։

Արտյոմ Զաքարյանի վառ հիշատակը մշտապես կմնա ընկերների և հայրենակիցների սրտերում՝ որպես հայրենանվեր,մարդկային և մասնագիտական բարձր որակներով օժտված մարդու՝ ով իր կյանքը նվիրել է համայնքի բարեկեցությանը:

Հայաստանի Հանրապետության Շիրակի մարզի Մարմաշեն համայնքի ավագանու  նիստը կկայանա 2021 թվականի հոկտեմբերի 14-ին, ժամը՝ 11:00-ին։

Յուրաքանչյուր ոք, ով երբևէ նայել է ռազմի դաշտում մահացող զինվորի աչքերի մեջ, նա լավ կմտածի պատերազմ սկսելուց առաջ։

Կրկին ցավակցում եմ զոհվածների ընտանիքներին ու հարազատներին, մաղթում եմ վիրավորներին շուտափույթ ապաքինում իսկ գերիներին շտապ վերադարձ:

Սեփական ձեռքերով վառած տունը և կորցրած հայրենիքը կարելի է վերականգնել միայն մի ձևով՝  հայ ժողովրդի հավաքական ուժով։

ՀՀ Շիրակի մարզի Մարմաշեն համայնքի Ջաջուռավան բնակավայրում մեկնարկել է մանկապարտեզի վերակառուցման աշխատանքները։ Տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրով նախատեսվում է իրականացնել հիմնանորոգման, այդ թվում` էլեկտրաէներգիայի, սառը և տաք ջրամատակարարման, ջեռուցման, օդափոխության, հակահրդեհային և ջրահեռացման նոր համակարգերի անցկացման աշխատանքներ։ Կիրականցվեն նաև կտուրի կառուցման, դռների ու պատուհանների, հատակի և կոմունիկացիոն գծերի արդիականացման աշխատանքներ։ Ծրագրի արժեքը 38 մլն 240 հազար դրամ է, որի 60 տոկոսը հատկացնելու է պետությունը, 40 տոկոսը համայնքն է ներդնելու։ Շինարարական աշխատանքներն իրականացվում են «Մալաք» ՍՊԸ կողմից:

ՀՀ Շիրակի մարզի Մարմաշեն համայնքի Լեռնուտ բնակավայրում մեկնարկել է մանկապարտեզի վերակառուցման աշխատանքների երկրորդ փուլը։ Նախորդ տարի իրականացվել են հիմնանորոգման աշխատանքները։

2021 թվականի տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրով նախատեսվում է իրականացնել ներքին հարդարման և բարեկարգման աշխատանքները։

Ծրագրի արժեքը 31 մլն 770 հազար դրամ է, որի 60 տոկոսը հատկացնելու է պետությունը, 40 տոկոսը՝ համայնքը։ Շինարարական աշխատանքներն իրականացվում են «Էլիտ Արման Շին» ՍՊԸ կողմից:

ՀՀ Շիրակի մարզի Մարմաշեն համայնքի Հացիկ բնակավայրում մեկնարկել է մանկապարտեզի վերակառուցման աշխատանքների երկրորդ փուլը։ Նախորդ տարի իրականացվել են պատերի, երկաթբետոնյա ծածկի կառուցման, տանիքի տեղադրման աշխատանքները։ Ներկա պահին իրականացվում է արտաքին պատերի ջերմամեկուսացման, ներքին և արտաքին լուսավորության լուսադիոդային լուսատուներով անցկացման աշխատանքներ։ Ծրագրի արժեքը 44 մլն 650 հազար դրամ է, որի 60 տոկոսը հատկացնելու է պետությունը, 40 տոկոսը ներդրել է համայնքը։ Շինարարական աշխատանքները իրականացվում են «Շինարար» ՍՊԸ կողմից:

ՀՀ Շիրակի մարզի Մարմաշեն համայնքի Մայիսյան և Մարմաշեն բնակավայրերում իրականացվել է կոյուղու դիտահորերի կառուցման աշխատանքներ։

Աշխատանքները իրականացվել է նոր ձևավորված «Մարմաշեն համայնքի տեխնիկաների սպասարկման կենտրոն» համայնքային ոչ առևտրային կազմակերպության կողմից։