Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության հողային օրենսգրքի 66-րդ հոդվածի 1-ին մասի 1-ին կետ, 2-րդ մասի դրույթներով, հիմք ընդունելով  անշարժ գույքի նկատմամբ  իրավունքների պետական գրանցման թիվ 10102019-08-0030 վկայականով Շիրակի մարզի  Մարմաշեն համայնքի Մայիսյան գյուղի 7-րդ փողոցի, թիվ 8 անասնաշենք հասցեում գտնվող 871․61 քառակուսի մետր մակերեսով  անասնաշենքը, 128․33 քառակուսի մետր օժանդակ շինությունը, 73 քառակուսի մետր մակերեսով պարիսպները ընդհանուր համատեղ սեփականության իրավունքով  պատկանում են Արամ Սուրենի Խաչատրյանին և Ելենա Աղասու Զավարյանին  և հաշվի առնելով վերջիններիս համատեղ դիմումը Հայաստանի Հանրապետության Շիրակի մարզի Մարմաշեն համայնքի ավագանին        

որոշում  է՝

1.Համայնքի ղեկավարի առաջարկությամբ, Հայաստանի Հանրապետության Շիրակի մարզի  Մարմաշեն  համայնքի  սեփականությունը  համարվող 08-077-0017-0005  կադաստարային ծածկագրով հողատարածքում գտնվող արդյունաբերության, ընդերքօգտագործման և այլ արտադրական նպատակային նշանակության, գյուղատնտեսական արտադրական օբյեկտների գործառնական նշանակության 0․676571  հեկտար  հողամասը,  որի  վրա  առկա   է  քաղաքացիներ՝ Արամ Սուրենի Խաչատրյանի և Ելենա Աղասու Զավարյանի սեփականության իրավունքով պատկանող 871․61 քառակուսի մետր մակերեսով  անասնաշենքը, 128․33 քառակուսի մետր օժանդակ շինությունը, 73 քառակուսի մետր մակերեսով պարիսպները / հասցե՝ Մարմաշեն  համայնքի,  Մայիսյան գյուղի  7-րդ փողոց,   թիվ 8 անասնաշենք/ ուղղակի վաճառքով, տվյալ հողամասի կադաստրային գնի չափով, Հայաստանի Հանրապետության կառավարության 2003 թվականի դեկտեմբերի 24-ի «Հայաստանի Հանրապետության բնակավայրերի հողերի կադաստրային գնահատման կարգը, տարածագնահատման /գտնվելու վայրի/, գոտիականության գործակիցները և սահմանները հաստատելու մասին» թիվ 1746-Ն որոշման 2-րդ կետի «դ» ենթակետով սահմանված լրացուցիչ նվազեցնող 0,6 գործակցի կիրառմամբ, մեկ քառակուսի մետրը՝ 205.2 ՀՀ դրամ, 0․676571 հեկտար հողամասի համար՝ 1388324 /մեկ միլիոն երեք հարյուր ութսունութ հազար երեք  հարյուր քսանչորս/ ՀՀ դրամ արժեքով վաճառել քաղաքացիներ՝ Արամ Սուրենի Խաչատրյանին /անձնագիր AR 0358382, տրված՝ 04․07․2017 թվական, 064-ի կողմից/ և Ելենա Աղասու Զավարյանին/ անձնագիր AM 0792861, տրված՝ 05․07․2012 թվական, 016-ի կողմից/։

2․Նշել, որ սույն որոշման առաջին կետում նշված հողամասը ընդգրկված չէ Հայաստանի Հանրապետության Հողային օրենսգրքի 60-րդ հոդվածով սահմանված հողերի կազմում, ինժեներատրանսպորտային օբյեկտների օտարման կամ անվտանգության գոտիներում, չի գտնվում հաստատված պետական կամ համայնքային նշանակության քաղաքաշինական համալիր ծրագրերով նախատեսված գոտիներում, հողամասի օտարումը չի խախտում այլ անձանց իրավունքները և օրենքով պահպանվող շահերը, չի առաջացնում հարկադիր սերվիտուտ պահանջելու իրավունք։

3․Մարմաշեն համայնքի ղեկավար՝ Կարեն Արշակյանին․

ա/Հայաստանի Հանրապետության օրենսդրությամբ սահմանված կարգով քաղաքացիներ՝ Արամ Սուրենի Խաչատրյանի և Ելենա Աղասու Զավարյանի հետ կնքել սույն որոշման 1-ին կետով նախատեսված հողամասի առուվաճառքի պայմանագիր։

բ/Հայաստանի Հանրապետության օրենսդրությամբ սահմանված կարգով ապահովել սույն որոշումից բխող իրավունքների պետական գրանցումը։

4․Համապատասխան որակավորում ունեցող մասնագետի կողմից կազմված և համայնքի ղեկավարի կողմից հաստատված հողամասի հատակագիծը կցվում է որոշմանը։